ಇತ್ತೀಚಿನ ದಿನಗಳಲ್ಲಿ ಸಾಮಾಜಿಕ ಜಾಲತಾಣಗಳಲ್ಲಿ ಹೆಚ್ಚು ಚರ್ಚೆಗೆ ಗ್ರಾಸವಾಗಿರುವ ಹೆಸರು ಆರ್ಯನ್ ಕೆಲ್ವಿನ್. ಲಕ್ಷಾಂತರ ಯುವಕರಿಗೆ ಪ್ರೇರಣೆಯಾಗಿರುವ ಈ ಡಿಜಿಟಲ್ ಕಂಟೆಂಟ್ ಕ್ರಿಯೇಟರ್, ಇಂದು ಭಾರತದಲ್ಲೇ ಅತ್ಯಂತ ವೇಗವಾಗಿ ಬೆಳೆಯುತ್ತಿರುವ ಸೋಷಿಯಲ್ ಮೀಡಿಯಾ ತಾರೆಯರಲ್ಲಿ ಒಬ್ಬರಾಗಿದ್ದಾರೆ. ಆರ್ಯನ್ ಕೆಲ್ವಿನ್ (Aryan Kelvin) ಎಂದೇ ಜನಪ್ರಿಯರಾಗಿರುವ ಅಮನ್ ಪಂಡಿತ್, ಜಾರ್ಖಂಡ್ನ ಧನಬಾದ್ ಮೂಲದ ಡಿಜಿಟಲ್ ಕಂಟೆಂಟ್ ಕ್ರಿಯೇಟರ್. ಇಂದು ಅವರ ವೈರಲ್ ರೀಲ್ಸ್ ಮತ್ತು ಸೋಷಿಯಲ್ ಮೀಡಿಯಾ ಯಶೋಗಾಥೆ ದೇಶಾದ್ಯಂತ ಚರ್ಚೆಗೆ ಗ್ರಾಸವಾಗಿದೆ.
ಯಾರು ಈ ಆರ್ಯನ್ ಕೆಲ್ವಿನ್? ಅಮನ್ ಪಂಡಿತ್ನಿಂದ ‘ಅಲ್ಗೋರಿದಮ್ ಕಿಂಗ್’ವರೆಗೆ
ಆರ್ಯನ್ ಕೆಲ್ವಿನ್ ಅವರ ಮೂಲ ಹೆಸರು ಅಮನ್ ಪಂಡಿತ್. ಜೀವನದ ಆರಂಭಿಕ ದಿನಗಳಲ್ಲಿ ಕುಟುಂಬದ ಆರ್ಥಿಕ ಸಂಕಷ್ಟದ ನಡುವೆ ಸ್ಥಳೀಯ ಅಂಗಡಿಯಲ್ಲಿ ತಿಂಗಳಿಗೆ ಕೇವಲ ₹3,000 ರಿಂದ ₹4,000 ಸಂಬಳಕ್ಕೆ ಕೆಲಸ ಮಾಡುತ್ತಿದ್ದ ಅವರು, ಇಂದು ಕೋಟ್ಯಂತರ ವೀಕ್ಷಣೆಗಳನ್ನು ಪಡೆಯುವ ಡಿಜಿಟಲ್ ಸ್ಟಾರ್ ಆಗಿ ಹೊರಹೊಮ್ಮಿದ್ದಾರೆ.
2021ರಲ್ಲಿ ಸಾಮಾನ್ಯ ಸ್ಮಾರ್ಟ್ಫೋನ್ ಬಳಸಿ ಹಾಸ್ಯ ಹಾಗೂ ಗ್ರಾಮೀಣ ಜೀವನಶೈಲಿಯನ್ನು ಪ್ರತಿಬಿಂಬಿಸುವ ವಿಡಿಯೊಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಳ್ಳಲು ಆರಂಭಿಸಿದ ಆರ್ಯನ್, ತಮ್ಮ ನೈಜ ಹಾಗೂ ಸರಳ ವಿಷಯವಸ್ತುಗಳಿಂದ ಜನರ ಗಮನ ಸೆಳೆದರು. ಕುಟುಂಬದ ಸನ್ನಿವೇಶಗಳು, ಹಳ್ಳಿ ಬದುಕಿನ ಘಟನೆಗಳು ಹಾಗೂ ಸಾಮಾನ್ಯ ಜನರ ದಿನನಿತ್ಯದ ಅನುಭವಗಳನ್ನು ಆಧರಿಸಿದ ಅವರ ವಿಡಿಯೊಗಳು ಜನಮನ ಗೆದ್ದವು.
ಕಳೆದ ಎರಡು ವರ್ಷಗಳಲ್ಲಿ ಆರ್ಯನ್ ಕೆಲ್ವಿನ್ ಅವರ ಅನೇಕ ರೀಲ್ಸ್ಗಳು 30 ಮಿಲಿಯನ್, 50 ಮಿಲಿಯನ್ ಹಾಗೂ 100 ಮಿಲಿಯನ್ ,ಅಲ್ಲದೇ 200 ಮಿಲಿಯನ್ಗಿಂತಲೂ ಹೆಚ್ಚು ವೀಕ್ಷಣೆಗಳನ್ನು ದಾಖಲಿಸಿವೆ. ಸಾಮಾಜಿಕ ಜಾಲತಾಣಗಳಲ್ಲಿ ಅವರ ಜನಪ್ರಿಯತೆ ಎಷ್ಟರ ಮಟ್ಟಿಗೆ ಏರಿದೆ ಎಂದರೆ, ಕೆಲವೇ ದಿನಗಳಲ್ಲಿ ಲಕ್ಷಾಂತರ ಹೊಸ ಅನುಯಾಯಿಗಳನ್ನು ಪಡೆದು ಸುದ್ದಿಯಾಗಿದ್ದಾರೆ.
ಸಾಮಾನ್ಯ ಹಿನ್ನೆಲೆಯಿಂದ ಬಂದ ಯುವಕನೊಬ್ಬ ತನ್ನ ಪರಿಶ್ರಮ, ನಿರಂತರ ಪ್ರಯತ್ನ ಹಾಗೂ ಸೃಜನಶೀಲತೆಯ ಮೂಲಕ ರಾಷ್ಟ್ರೀಯ ಮಟ್ಟದಲ್ಲಿ ಗುರುತಿಸಿಕೊಳ್ಳಬಹುದು ಎಂಬುದಕ್ಕೆ ಆರ್ಯನ್ ಕೆಲ್ವಿನ್ ಬದುಕು ಅತ್ಯುತ್ತಮ ಉದಾಹರಣೆಯಾಗಿದೆ. ಇದೇ ಕಾರಣಕ್ಕೆ ಅಭಿಮಾನಿಗಳು ಅವರನ್ನು “Algorithm King” ಎಂದು ಕರೆಯುತ್ತಾರೆ.
ಇಂದು ಲಕ್ಷಾಂತರ ಯುವಕರು ಅವರ ಯಶೋಗಾಥೆಯನ್ನು ಸ್ಪೂರ್ತಿಯಾಗಿ ತೆಗೆದುಕೊಂಡಿದ್ದು, ಆರ್ಯನ್ ಕೆಲ್ವಿನ್ ಹೆಸರು ಭಾರತದ ಡಿಜಿಟಲ್ ಕ್ರಿಯೇಟರ್ ಜಗತ್ತಿನಲ್ಲಿ ಹೊಸ ಅಧ್ಯಾಯವನ್ನೇ ಬರೆಯುತ್ತಿದೆ.
ಮತ್ತಷ್ಟು ಓದಿ
